Azərbaycanlı qrosmeyster Teymur Rəcəbov və Anna Maksakova növbəti dəfə valideyn olublar. Bu haqda məlumatı Rəcəbov bu gün, 26 sentyabr tarixində öz İnstagram səhifəsində paylaşıb.
Cütlüyün ikinci qızı olub: Rəcəbov bu barədə həyat yoldaşı, böyük qızı Nika və yeni doğulan körpə Emma ilə fotosunu dərc edərək elan edib.
Teymur Rəcəbov və Anna Maksakova 2022-ci ilin yanvar ayında evləniblər. Həmin ilin avqust ayında onların birinci qızı Nika doğulub.
Daha öncə, 2011-ci ildə Teymur Rəcəbov SOCAR-ın Sərmayələr və Marketinq üzrə vitse-prezidenti Elşad Nəsirovun qızı Elnarə Nəsirli ilə ailə qurub. Bir müddət əvvəl isə cütlük boşanıb. Onların Məryəm adlı bir övladları var.
