Şarm-əl-Şeyx - Atırau marşrutu üzrə hərəkət edən “Air Astana”ya məxsus təyyarə təcili olaraq Bakıda enib. Bu barədə bu gün, 13 iyul tarixində Heydər Əliyev Beynəlxalq Aeroportunun mətbuat xidmətindən məlumat verilib.
Təyyarənin kapitanı Heydər Əliyev Beynəlxalq Hava Limanına təcili eniş sorğusu göndərib. Buna səbəb təyyarədə olan sərnişinin səhhətinin kəskin şəkildə pisləşməsi olub.
“Airbus A320neo” təyyarəsi ötən gün saat 16:50-də Bakı Hava Limanına təhlükəsiz eniş edib.
Sərnişin yerə enəndən dərhal sonra təcili tibbi yardım briqadasına təhvil verilib və paytaxt klinikalarından birinə aparılıb.
