Azərbaycanlı alpinist İsrafil Aşurlı dünyanın doqquzuncu zirvəsini – Nanqa Parbatı (8125 m) fəth edib. Bu haqda bu gün, 12 iyul tarixində Bakuplus.az məlumat verir.
O, əlavə oksigendən istifadə etmədən Nanqa Parbata qalxıb.
Aşurlı üçüncü cəhdində bu səkkizminlikdə uğur qazanıb. 2013-cü ildə o, az qala terror aktının qurbanı olacaqdı. Keçən il İsrafil çətin vəziyyətdə olan alpinistləri xilas etmək üçün dırmaşmaqdan imtina edib. Göstərilən qəhrəmanlığına görə Pakistan hökuməti ona hədiyyə olaraq bu il zirvəyə qalxmağa pulsuz “icazə” (permit) verib.
Bu, Aşurlının yeddinci səkkizminlik zirvəsidir. 2007-ci ildə o, dünyanın ən hündür nöqtəsi olan Everesti fəth edən ilk azərbaycanlı olub.
