Ötən il avtobuslar Bakıda 502 milyon sərnişin daşıyıb ki, bu da 2016-cı illə müqayisədə 20,2 faiz azdır. Bu haqda bu gün, 6 aprel tarixində Bakı Nəqliyyat Agentliyi məlumat verib.
2016-cı ildə paytaxtda avtobus sərnişinlərinin sayı 629 milyon nəfər, 2017-ci ildə 659 milyon nəfər, 2018-ci ildə 704 milyon nəfər, 2019-cu ildə 801 milyon nəfər, 2020-ci ildə 413 milyon nəfər, 2021-ci ildə 444 milyon nəfər olub.
Hesabatda, həmçinin bildirilir ki, avtobuslardan istifadə edən sərnişinlərin sayı bilavasitə qanunsuz sərnişindaşımanın yaranmasından asılıdır.
Lakin qanunsuz sərnişindaşıma miqyasının genişlənməsi avtobuslarla müntəzəm daşıma üzrə səyahət saylarının azalması ilə yanaşı, iqtisadiyyata, şəhərin müasir görünüşünə və ekologiyaya ciddi təsir göstərir. Xüsusilə önəmli olan insanların həyat və təhlükəsizliyinin risk altına düşməsidir.
