Azərbaycan Milli Elmlər Akademiyasının (AMEA) ümummilli lider Heydər Əliyevin 100 illik yubileyi münasibətilə təşkil etdiyi silsilə tədbirlər çərçivəsində akademik şəhərcikdə nadir ağaclardan ibarət park salınıb. Bu barədə AMEA-nın mətbuat xidməti məlumat verib.
Nadir ağaclar parkının yaradılmasında məqsəd ölkədə ekologiyanın qorunması, təbiətə qayğının təbliği və sağlam ətraf mühitə daim böyük önəm verən ümummilli lider Heydər Əliyevin xatirəsinin əbədiləşdirilməsidir.
Akademik İsa Həbibbəyli bildirib ki, parkda olan müxtəlif növ ağcaqayın, dəmir ağacı, Qafqaz xurması, Lənkəran akasiyası, Qafqaz cəmdəkləri və digər nadir növlər “Qırmızı kitab”a daxil edilib.
Ümumilikdə respublikanın iqlim şəraitinə davamlı 50 nadir dekorativ ağac və 50 kol əkilib.
