Aparıcı Namidə İsayevaya vəzifə verilib. Bu haqda bu gün,15 may tarixində Bakuplus.az aparıcıya istinadən xəbər verir.
Namidə İsayeva Akademik M.Ə.Mirqasımov adına Respublika Klinik Xəstəxanasının İctimaiyyətlə əlaqələr üzrə bölmə müdiri təyin edilib. Bununla bağlı o, öz sosial şəbəkə hesabında məlumat paylaşıb.
“Tibbi Ərazi Bölmələrini İdarəetmə Birliyi (TƏBİB) ailəsində yola davam. Görüləcək işlər çox, məsuliyyət böyük”, – deyə Namidə İsayeva qeyd edib.
N.İsayeva əmək fəaliyyətinə Azərbaycan dili və ədəbiyyat müəllimi kimi başlayıb. Daha sonra o, fəaliyyətini sağlamlıq turizmi sahəsində davam etdirib. “Lider TV”-də “Həkimim” verilişində, daha sonra Xəzər FM-də yayımlanan “Radio Doktor” verilişi və ARB telekanalında yayımlanan “Yeni mən” verilişlərində layihə rəhbəri və aparıcı olub. Son vəzifəsi Nizami Tibb Mərkəzinin İctimaiyyətlə əlaqələr və mətbuat bölməsinin rəhbəri idi.
