22 may görkəmli bəstəkar Aqşin Əlizadənin doğum günüdür.
Aqşin Əliqulu oğlu Əlizadə 22 may 1937-ci ildə Bakıda anadan olub.
O, Bakı Konservatoriyasını, Cövdət Hacıyevin bəstəkarlıq sinfini bitirib.
Tələbə vaxtı yazdığı sonata Gənc Bəstəkarların I Ümumittifaq Müsabiqəsində I dərəcəli diploma (1962), sonra yazdığı Birinci simfoniya "Zaqafqaziya Baharı" festivalında I diploma layiq görülüb.
Aqşin Əlizadənin əsas əsərləri - "Babək", "Qafqaza səyahət", "Ümid valsı" baletlərinin, 5 simfoniya, xor üçün "Bayatılar" əsərinin, "Təntənə", "Azərilər" kantatasının Azərbaycan musiqisində özünəməxsus yeri var.
O, 50-dən artıq bədii film, cizgi filmi, tamaşaya musiqi yazıb.
Aqşin Əlizadə 3 may 2014-cü ildə vəfat edib.
