Bakıda Azərbaycan Respublikasının Qida Təhlükəsizliyi Agentliyi (AQTA) marketlərdə və iaşə obyektlərində yoxlamalar keçirib. Bu haqda bu gün, 15 oktyabr tarixində Bakuplus.az agentliyin mətbuat xidmətinə istinadən məlumat verir.
Keçirilən reyd zamanı Nərimanov, Xətai və Nizami rayonlarında 11 məntəqədə qanun pozuntuları aşkarlanıb.
Belə ki, 9 iaşə obyektində çalışan işçilərin ilkin və dövri tibbi müayinədən keçməməsi səbəbindən müəssisə sahiblərinə qarşı protokol tərtib olunub. Bəzilərində isə baytarlıq şəhadətnaməsi və ya arayışı olmayan heyvan mənşəli məhsulların qəbulu faktları aşkar olunub. Həmçinin oxşar nöqsanlara görə "Məhəllə" marketi və Rəhimov Hidayət Asəf oğluna məxsus "Araz" supermarketi cərimələnib.
