Qondarma “Dağlıq Qarabağ Respublikasının prezidenti” tutulub. Bu haqda bu gün, 5 oktyabr tarixində Bakuplus.az Dövlət Təhlükəsizlik Xidmətinə istinadən xəbər verir.
Xankəndi şəhərində anadan olan 50 yaşlı Araik Vladimiri Arutyunyan Azərbaycan Respublikasının ərazisində təcavüzkar müharibənin aparılması və iştirak edilməsi, eləcə də muzdluların yığılması və onlara təlim keçirilməsində şübhəli bilinir.
Bundan əlavə, o, onların döyüş sursatı, partlayıcı maddələr, hərbi texnika və əsgəri ləvazimatla təchizində, Gəncə şəhəri və Bərdə rayonunun yaşayış məntəqələri və mülki obyektlərini hədəfə alaraq ballistik və digər növ raketlər atılmaqda şübhəli bilinir.
Onun barəsində 9 maddə üzrə cinayət işi açılıb. Araşdırmalar davam edir.
