16 may məşhur aktyor Arif Quliyevin doğum günüdür.
O , 1950-ci ildə dünyaya gəlib.
Arif Quliyev Bakı Mədəni-Maarif Texnikumunda, İncəsənət İnstitutunda təhsil alıb. Musiqili Komediya Teatrı, İrəvan Dövlət Azərbaycan Dram Teatrı, Özəl Satira Teatrında fəaliyyət göstərib. Şərbətəli ("Təzə gəlin"), Əli ("Qayınana"), Mürsəl ("Gurultulu məhəbbət"), Tofiq ("Ev bizim, sirr bizim"), Hambal ("O olmasın, bu olsun"), Mirzəqulu ("Durnalar qayıdanda") kimi obrazlar yaradıb.
Yaradıcılığında Azərbaycan Televiziyası da geniş yer tutur. Aktyor "Şans", "Bığ əhvalatı", "Qayınana", "Lift əhvalatı", "Yarım ştat", "Evləri köndələn yar" və başqa teletamaşalarda, "Bəyin oğurlanması", "Yaramaz", "Bəxt üzüyü", "O dünyadan salam", "Qəm pəncərəsi", "Mənim ağ şəhərim" bədii filmlərində müxtəlif rollar ifa edib.
Arif Quliyev "Xalq artisti" fəxri adına, "Qızıl dərviş", "Zirvə" mükafatlarına, "Sənətkar" medalına layiq görülüb, Prezident təqaüdçüsü olub.
Arif Quliyev 2021-ci ildə vəfat edib. Bakı şəhərindəki "Qurd qapısı" qəbiristanlığında dəfn olunub.
