Musiqili teatrda mərhum aktyor Arif Quliyevin 75 illik yubileyi keçiriləcək.
Bu barədə aktyorun oğlu Rövşən Quliyev qaynarinfo.az-a açıqlamasında deyib.
"Bizə belə bir məlumat veriblər, amma tədbirin nə vaxt keçiriləcəyi ilə bağlı məlumatsızıq. Ümid edirik ki, belə bir sənətkarın yubileyi diqqətdən kənar qalmaz”, - o bildirib.
Xatırladaq ki, Xalq artisti Arif Quliyev 2021-ci ildə koronavirus infeksiyasına yoluxub. Müalicələrə baxmayaraq, onun həyatını xilas etmək mümkün olmayıb. Sənətkar Bakı şəhərindəki "Qurd qapısı” qəbiristanlığında torpağa tapşırılıb.
