Bakıda qadın həkimlə əlbir olub və süni mayalanma zamanı ona başqa kişinin bioloji materialından istifadə olunub. Bu haqda bu gün, 12 fevral tarixində Bakuplus.az Azxeber-ə istinadən xəbər verir.
Bakıda süni mayalanma nəticəsində əkiz övladlar dünyaya gətirən ailə 7 ildən sonra boşanıb. Bu əsnada arvad kişiyə əkiz uşaqların ondan olmadığını bildirib, lakin yenə də ondan aliment tələb edib və alıb.
Süni mayalanma öncəsi müayinə zamanı məlum olub ki, kişi tam sonsuzdur, bunu bilən həkim (Türkiyə əsilli Öndər Tulumbacı) arvada başqa kişinin donorluğundan istifadə etməyi təklif edib, o da razılaşıb. Amma bunu kişidən gizlədiblər.
Kişi məhkəməyə müraciət edərək, atalığının ləğv olunmasını tələb edib. Amma başda Ali Məhkəmə olmaqla məhkəmələr iddianı təmin etməyiblər, yəni kişi ata kimi qalıb və aliment ödəməyə məcbur edilib.
Bu zaman Ali Məhkəmə iki arqument gətirib: 1) bioloji ata olmadığını bilmədiyini və buna razılıq vermədiyini kişi sübut etməlidir; 2) kişinin razılığı olmadan klinika belə əməliyyat apara bilməzdi.
Hüquqşünas Əkrəm Həsənov sosial şəbəkə hesabında bu məsələyə aid yazı dərc edib:
“Klinika kişinin razı olmaq barədə ərizəsini məhkəməyə təqdim edə bilməyib və nəticədə digər kişinin donorluğundan istifadə qanunsuz olub. Arvad və həkim sövdələşərək, başqa kişinin donorluğundan istifadə edərək kişini aldadıblar”.
[caption id="attachment_129390" align="alignnone" width="640"]
Foto açıq mənbədən[/caption]
