Bu gün, 30 aprel tarixində “Azərbaycan Xəzər Dəniz Gəmiçiliyi” QSC (ASCO) ilk dəfə olaraq Transxəzər Beynəlxalq Nəqliyyat Marşrutu ilə yüklərin Hövsan limanına çatdırılmasını həyata keçirib. Bu haqda məlumatı şirkətin mətbuat xidməti yayıb.
Yük ASCO-nun Dəniz Nəqliyyatı Donanmasına məxsus “Maestro Niyazi” quru yük gəmisi ilə daşınıb. Qazaxıstanın Aktau limanından gələn gəminin göyərtəsində 140 ədəd 20 futluq TEU konteyneri olub.
Hazırda Hövsan limanının 6-cı körpüsündə konteynerlər boşaldılır.
Transxəzər Beynəlxalq Nəqliyyat Marşrutu Çin, Qazaxıstan, Xəzər dənizi, Azərbaycan, Gürcüstan ərazisindən keçərək Türkiyə və Avropa ölkələrinə uzanan beynəlxalq nəqliyyat dəhlizidir.
