Bakının Xəzər rayonunun Şüvəlan qəsəbəsində axtarışda olan şəxsin saxlanılması məqsədilə keçirilən əməliyyat zamanı həlak olan polislərdən biri, polis serjantı Mahir Ağayev dəfn olunub.
O, Binə qəsəbəsindəki qəbiristanlıqda torpağa tapşırııb.
13:49 - Atışmada həlak olan polislərlə vida mərasimi keçirilib – VİDEO
Bu gün paytaxtın Xəzər rayonu, Şüvəlan qəsəbəsində silahlı insidentdə həlak olan polis əməkdaşları – polis kapitanı Eldəniz Məmmədov, polis serjantı Mahir Ağayev və polis serjantı Mirəli Heydərovla vida mərasimi keçirilib. Bu haqda bu gün, 24 iyun tarixində Bakuplus.az AzTV-yə istinadən məlumat verir.
Vida mərasimində Daxili İşlər Nazirliyinin rəhbərliyi və şəxsi heyəti iştirak edib. Həlak olmuş vətəndaşlar bu gün torpağa tapşırılacaqlar.
Bu gün, iyunun 24-də Bakının Xəzər rayonu, Şüvəlan qəsəbəsində silahlı insident baş verib. Axtarışda olan 38 yaşlı Rövşən Allahverdiyev polis əməkdaşları tərəfindən saxlanılarkən silahlı müqavimət göstərib.
O, polis əməkdaşlarına mane olmaq məqsədilə ailə üzvlərini önə verərək yayınmağa və cavab tədbirlərinin qarşısını almağa cəhd edib, yaranmış vəziyyətdən istifadə edərək “Lancaster” markalı ov silahından atəş açaraq 3 nəfər polis əməkdaşını və Rövşən adlı mülki vətəndaşı qətlə yetirib.
Davam etdirilən tədbirlərlə Allahverdiyev polis əməkdaşları tərəfindən zərərsizləşdirilib.
Faktla bağlı cinayət işi başlanıb, istintaq hərəkətləri davam etdirilir.
