Azərbaycan Yerüstü Nəqliyyat Agentliyi (AYNA) 6 şəhərlərarası avtobus marşrutunu müsabiqəyə çıxarıb. Bu haqda bu gün, 3 mart tarixində Bakuplus.az agentliyin mətbuat xidmətinə istinadən məlumat verir.
Agentlik Ceyranbatan - “Xocəsən” metro stansiyası - Ceyranbatan, Masazır - “Xocəsən” metro stansiyası - Masazır, Bakı-Lənkəran-Bakı, Bakı-Qusar-Bakı, Bakı-Qusar (SDK)-Bakı, Bakı-Xudat-Bakı şəhərlərarası müntəzəm avtobus marşrutları üzrə müsabiqə elan edib.
Müsabiqədə iştirak etmək üçün iddiaçılar tələb olunan sənədləri martın 17-si saat 17:00-dək, ixtisas məlumatlarını isə aprelin 7-si saat 17:00-dək Azərbaycan Yerüstü Nəqliyyat Agentliyinə (ünvan: Bakı şəhəri, Tarzən Hacı Məmmədov küçəsi, 5, əlaqələndirici şəxs: Ramil Musayev – tel.: 012-567-99-76, 055-512-34-97, e-poçt: ramil.musayev@ayna.gov.az) təqdim etməlidirlər.
Əlavə məlumatı buradan əldə etmək mümkündür.
[caption id="attachment_92719" align="alignnone" width="1028"]
Foto ayna.gov.az[/caption]
