Bakıda bir sıra avtobusların marşrutu dəyişdirilib. Bu haqda bu gün, 25 iyun tarixində Bakuplus.az Avtomobil Yolları Dövlət Agentliyinə istinadən xəbər verir.
Paytaxt yollarında aparılan təmir işləri ilə əlaqədar 1 iyul tarixinə qədər hərəkət Afiyəddin Cəlilov küçəsində (Yusif Səfərov küçəsindən Xəqani Rüstəmov küçəsinədək) tam, Parlament prospektində (Mehdi Hüseyn küçəsindən Mikayıl Müşfiq küçəsinədək) və Azadlıq prospektində (Mixail Kaveroçkin küçəsindən Cəfər Xəndan küçəsinədək) qismən məhdudlaşdırılıb.
Bu səbəbdən Afiyyəddin Cəlilov küçəsində 4, 10, 21, 32, 46 və 175 nömrəli müntəzəm marşrutların sxemi dəyişdirilərək avtobusların hərəkəti Xəqani Rüstəmov (Ağ şəhər) və Süleyman Vəzirov küçələri ilə təşkil edilib.
Parlament prospektində 18, 39, 205 və Azadlıq prospektində 4, 6, 17, 26, 33, 83, 85, 88, 88A, 133 və 165 nömrəli marşrut avtobuslarının sürücülərindən isə diqqətli olmaları xahiş olunur.
