Xətai prospektində nişanlama xətlərində dəyişiklik edilib.
BakuPlus.az xəbər verir ki, yolda qoşa zolaq xətti silinib, sol tərəfdə də yeni zolaq çəkilib. Yolun sağ tərəfi də parklanma yerləridir. Sürücülər parklanma yerindən istifadə edən zaman düz xətti tapdalayır. Bu məsələ sürücülər arasında çaşqınlıq yaradır.
Azərbaycan Yerüstü Nəqliyyat Agentliyindən (AYNA) BakuPlus.az-a verilən məlumata görə, parklanma yerlərinə giriş-çıxış üçün zolaqda yerlər də ayrılıb:
“AYNA tərəfindən Xətai rayonu Xocalı prospektində nişanlanmalar yenidən təşkil edilib. Velosiped zolağı və parklanma yerləri saxlanılaraq avtomobillərin hərəkəti üçün zolaqların sayı 2-yə çatdırılıb. Parklanma yerlərinə giriş-çıxış üçün zolaqda yerlər də ayrılıb”.
Qeyd edək ki, yeni nişanlama xətləri Mərdəkan şosesində də təşkil olunub.
