Beynəlxalq Şahmat Federasiyası (FIDE) may ayı üçün reytinq cədvəlini açıqlayıb. Bu haqda bu gün, 1 may tarixində Bakuplus.az federasiyaya istinadən xəbər verir.
Bakıdan olan Teymur Rəcəbov mövqeyini qoruyaraq İlk 10-luqda yer alıb. O, 2747 xalla 10-cu pillədə qərarlaşıb. Şəhriyar Məmmədyarov isə 2738 xalla 16-cı yerdə qalıb.
Qədir Hüseynov 1 pillə geriləyərək 80-ci sıraya düşüb. Rauf Məmmədov isə əksinə, 1 addım irəliləyib. O, hazırda 97-ci pillədədir.
Siyahıya əvvəlki kimi, norveçli dünya çempionu Maqnus Karlsen (2853) başçılıq edir. Rusiyalı Yan Nepomnyaşi (2794) 2-ci, çinli Din Liren (2789) 3-cüdür.
Qadın şahmatçıların hər biri 2 pillə geriləyib. Günay Məmmədzadə (2449) 25-ci, Ülviyyə Fətəliyeva (2401) 54-cü, Gövhər Beydullayeva (2375) 73-cü, Gülnar Məmmədova (2349) 98-ci yerdədir.
[caption id="attachment_98856" align="alignnone" width="640"]
Foto FİDE[/caption]
