Azərbaycanda yeni simulyator istehsal olunub.
Simulyator atıcılara mərmi, sursat sərfiyyatı olmadan vərdişlər yiyələndirmək üçün nəzərdə tutulub.
Burada sifarişçinin istəyinə uyğun olaraq müxtəlif silahlar modifikasiya edilir.
15:58
Azərbaycan İspaniya ilə birlikdə top istehsal edib.
"Guardian 30" adlanan top silahının 30 mm çapı var. 2024-cü il istehsalı olan top bir neçə dəfə sınaqdan keçirilib.
Çəkisi 3 ton olan top 8-13 km məsafədəki hədəfi zərərsizləşdirə bilir. Birgə istehsal olunan topun BTR üzərinə yerləşdirilməsi mümkündür.
[URIS id=151209]
15:11
Azərbaycan yeni snayper silahları istehsal edib.
YST-24 və YST-24 N adlı snayper silahları ilk dəfə ADEX sərgisində nümayiş olunur.
Çəkisi 3.8 kq və güllə tutumu 10 ədəd olan bu silahların 1100 metr atış məsafəsi var.
[URIS id=151184]
Həmçinin Azərbaycanın ilk lazer silahı nümayiş etdirilib.
"Fireforce" lazer silahının gücü 30 kilovat, çəkisi 900 kiloqramdır. Azərbaycan mühəndisləri tərəfindən hazırlanan silah yüngül zirehli avtomobil üzərində yerləşdirilib.
[URIS id=151179]
15:02
Bakı Ekspo Mərkəzində keçirilən V “ADEX-2024” Azərbaycan Beynəlxalq Müdafiə Sərgisində Azərbaycan istehsalı silah və dronlar təqdim edilib.
Report xəbər verir ki, sərgidə ümumilikdə 3 adda pulemyot və suüstü dronlar nümayiş etidilir.
Bildirilib ki, dronların sınaqlarına başlanılıb. Bunlar kamikadze tipli suüstü dronlardır. "Kalan" və "Suqovuşan" adlanan dronlar yaxın vaxtlarda Azərbaycan Ordusunun sərəncamına veriləcək.
