Azərbaycanın 2 şirkəti beynəlxalq mükafata layiq görülüb. Bu haqda bu gün, 17 avqust tarixində Bakuplus.az Marja.az-a istinadən xəbər verir.
“Azercell Telekom” MMC və Azərbaycan daşınmaz əmlak bazarında əhəmiyyətli təcrübəyə malik olan “Baku City Residence” şirkətləri “Stevie” Beynəlxalq Biznes Mükafatına layiq görülüb.
Seçim zamanı ekspertlər “Azercell Telekom” MMC-ni ölkədə keçirdiyi bir sıra əhəmiyyətli layihə və texnoloji yeniliklərin tətbiqi, “Baku City Residence” şirkətini isə Azərbaycanın daşınmaz əmlak bazarında tətbiq etdiyi innovativ yanaşmalar və bunun əsasında tutduğu mövqeyi, eləcə də imza atdığı beynəlxalq tərəfdaşlıq müqavilələri istiqamətindəki səyləri əsasında qiymətləndiriblər.
ABŞ-də yaradılan və dünya işgüzar aləmində mötəbər mükafatlardan biri olan “Stevie” Beynəlxalq Biznes Mükafatlarının sahibləri 200-dən çox nüfuzlu biznes eksperti, şirkət sahibi və iş adamlarından ibarət beynəlxalq münsiflər heyətinin səsverməsi nəticəsində seçilir.
