Uzun illər boks üzrə müxtəlif yaş qrupları üzrə milli komandaların baş məşqçisi işləmiş Şamil Əlimzanov 77 yaşında vəfat edib. Bu haqda bu gün, 1 avqust tarixində Bakuplus.az Azərbaycan Boks Federasiyasının mətbuat xidmətinə istinadən məlumat verir.
Əlimzanov SSRİ idman ustası, Azərbaycanın Əməkdar məşqçisi, Fəxri Bədən Tərbiyəsi və İdman İşçisi, Əməkdar Bədən Tərbiyəsi və İdman Xadimi adlarına layiq görülüb. Şamil Əlimzanov Ədalət Məmmədov, Fərhad Acalov, Emil Məhərrəmov, Zaur Teymurov və bir çox digər titullu boksçunun məşqçisi olub.
Dəfn mərasimi bu gün Suraxanıda Tatar qəbiristanlığında baş tutacaq.
