Erməni işğalından azad edilən Qarabağın Xankəndi şəhərində Zəfər Günü münasibətilə hərbi parad keçirilib. Bu haqda bu gün, 8 noyabr tarixində Bakuplus.az Azərtac-a istinadən məlumat verir.
Tədbirdə Azərbaycan Prezidenti İlham Əliyev, birinci xanım Mehriban Əliyeva və oğulları Heydər Əliyev də iştirak ediblər.
Paradda Ermənistan Silahlı Qüvvələrindən qənimət kimi götürülən tanklar və texnikalar nümayiş etdirilib.
İkinci Qarabağ müharibəsinin başa çatmasından 3 il sonra hərbi qulluqçuların təhlükəsizliyinin təmin edilməsi və konstitusiya quruluşunun bərpası məqsədilə 2023-cü il sentyabrın 19-20-də Azərbaycan Silahlı Qüvvələri tərəfindən Qarabağda antiterror əməliyyatı keçirilib. Nəticədə Qarabağdakı erməni separatçıları tam təslim olduqlarını elan ediblər: onların qeyri-qanuni inzibati strukturları, silahlı birləşmələri ləğv edilib.
[URIS id=119200]
