Bu gün, 7 oktyabr tarixində səhər saatlarında İsraildə yaranmış vəziyyətlə əlaqədar Azərbaycanın bu ölkədəki səfirliyi vətəndaşlarımıza müraciət edib. Bu haqda Bakuplus.az səfirliyin “X” sosial şəbəkə hesabına istinadən məlumat verir.
"Ölkədə müdafiə qüvvələri tərəfindən müharibə vəziyyəti elan edilib. Bununla əlaqədar Azərbaycan vətəndaşlarına ölkədaxili səfərlər etməməyi, təhlükəsizliyə riayət etməyi, ehtiyatlı olmağı, yerli dövlət qurumlarının verdiyi təlimatlara uyğun davranmağı tövsiyə edirik.
Azərbaycanın İsraildəki səfirliyinin fövqəladə hallar üçün əlaqə vasitəsi: +972 50 356 95 82".
Bu gün səhər saatlarında HƏMAS İsrailə qarşı kütləvi əməliyyata başlayıb.
Səhərdən bəri İsrail ərazisinə 5000-dən çox raket atılıb, onların əksəriyyətinin qarşısı alınıb. Yaraqlılar İsrail ərazisinin dərinliklərinə nüfuz edə biliblər. Mülki itkilər var.
Ölkə ordusu antiterror əməliyyatına başlayıb və on minlərlə ehtiyatda olan hərbçi orduya çağırılıb. İsrail ölkə ərzisində “Dəmir qılınclar” adlı antiterror əməliyyatı elan edib.
[caption id="attachment_115713" align="alignnone" width="640"]
Foto açıq mənbədən[/caption]
