Azərbaycanda qadın avtoyürüşü keçirilir. Bu haqda bu gün, 13 may tarixində Bakuplus.az Report-a istinadən xəbər verir.
“Qadınlar və yollar. Özünə doğru yol” layihəsi çərçivəsində keçiriləcək tədbirdə Bakıda və regionlarda avtoyürüş vasitəsilə müxtəlif sahələrdə çalışan qadınlarla görüşlər keçiriləcək və bu barədə film hazırlanacaq. Filmdə Azərbaycanın görməli yerləri də tamaşaçıların diqqətinə çatdırılacaq.
Bakıdan start götürən “Qadınlar və yollar. Özünə doğru yol” avtoyürüşü 17 may tarixinə qədər davam edəcək. Avtoyürüş Bakı ilə yanaşı, İsmayıllı rayonunun Basqal və Lahıc qəsəbələrini, Qəbələ və Şəki şəhərlərini, Qobustanı əhatə edəcək.
Layihə çərçivəsində indiyədək müxtəlif ölkələrdə 4 film cəkilib. Filmlər beynəlxalq mükafata da layiq görülüb.
