Türkiyənin bir sıra bölgələrindən Azərbaycana 100.000 ağac tingi göndərilib. Bu haqda bu gün, 18 iyun tarixində Bakuplus.az Türkiyənin Kənd Təsərrüfatı və Meşə Təsərrüfatı Nazirliyinin Meşə Təsərrüfatı Baş İdarəsinə istinadən məlumat verir.
Bildirilir ki, meşə təsərrüfatı sahəsində birgə işlər Azərbaycan və Türkiyə arasında güclü əməkdaşlığı daha da gücləndirəcək.
Azərbaycanla siyasi, iqtisadi və hərbi məsələlərdə əməkdaşlıqla yanaşı, meşə təsərrüfatı sahəsində də uğurlu layihələr həyata keçirilir. Eskişehir, Konya, Mersin, Urfa və Sakarya regional tinglik şöbələri tərəfindən tinglərin Qarabağ və Bakıda əkilməsi planlaşdırılır.
“Göndərilən tinglər Qarabağda, Bakıda torpağa qovuşacaq, qardaş ölkəmiz Azərbaycanın gələcəyinə təmiz nəfəs olacaq”, – deyə məlumatda vurğulanır.
