Bu gün Azərbaycanda məzun günü keçirilir. Bu haqda bu gün, 14 iyun tarixində Bakuplus.az Report-a istinadən xəbər verir.
Bu gün Azərbaycanın ümumi təhsil müəssisələrində “Son zəng” tədbiri keçiriləcək.
Bakı Şəhəri üzrə Təhsil İdarəsinin (BŞTİ) tabeliyindəki məktəblərin XI siniflərini 28.993, XII siniflərini isə (əyani-qiyabi tam orta məktəb və qiyabi sinifləri) 125 nəfər bitirir. Paytaxtda 42.070 nəfər I sinfi başa vurur.
Ümumilikdə isə 2023-2024-cü tədris ilində ümumi təhsil müəssisələrində təhsilalanların sayı 1.706.935 nəfər təşkil edib. Onlardan 102.120 nəfər XI sinfi, 150.445 nəfər IX sinfi, 137.862 şagird I sinfi bitirir.
Bundan əlavə, ümumi təhsil müəssisələrinin məktəbəhazırlıq qruplarında 87.569 uşaq təhsil alıb.
