Azərbaycan Yerüstü Nəqliyyatı Agentliyi (AYNA) 16 şəhərarası marşrut üzrə yeni daşıyıcıları təyin edib. Bu haqda bu gün, 26 iyul tarixində Bakuplus.az qurumun mətbuat xidmətinə istinadən məlumat verir.
Bakı-Biləsuvar, Bakı-Qazax, Bakı-Ağcabədi, Bakı-Lənkəran, Bakı-Quba, Bakı-Qusar, Bakı-Qusar (SDK), Bakı-Xaçmaz, Bakı-Nabran, Bakı-Xudat, Bakı-Şabran, Bakı-Oğuz, Bakı-Göyçay şəhərlərarası, Mingəçevir 5 saylı şəhərdaxili müntəzəm avtobus marşrutlarını, eləcə də Ceyranbatan qəsəbəsi - “Xocəsən” metro stansiyası - Ceyranbatan qəsəbəsi və Masazır qəsəbəsi - “Xocəsən” metro stansiyası - Masazır qəsəbəsi marşrut xətlərini müsabiqəyə çıxararaq qalibləri müəyyən edib.
Tenderdə qalib gəlmiş 21 fiziki və 8 hüquqi şəxslə sərnişindaşıma fəaliyyətinin həyata keçirilməsi üçün müqavilələr bağlanılıb.
