“Aztelekom" və “Baktelecom” MMC-lər avqustun 15-dən genişzolaqlı internetin tariflərində dəyişiklik edəcək. Bu haqda bu gün, 18 iyul tarixində Bakuplus.az Rəqəmsal İnkişaf və Nəqliyyat Nazirliyinə istinadən məlumat verir.
GPON (Gigabit tutumlu Passiv Optik Şəbəkə) tarifləri üzrə təqdim olunan sürətləri 2,5 dəfə (40 Mbit/s internet sürəti 100 Mbit/s-yə, 60 Mbit/s internet sürəti 150 Mbit/s-yə, 100 Mbit/s sürəti isə 250 Mbit/s-yə qədər) artırılacaq.
Yəni dəyişikliklərdən sonra abunəçilər üçün minimal sürət 100 Mbit/s-dən başlayacaq və hər Mbit/s üçün ödəniş məbləği 0,45 manatdan 0,25 manata endiriləcək.
Abunəçilərə 100 Mbit/s internet üçün 25 manat, 150 Mbit/s internet üçün 30 manat, 250 Mbit/s internet üçün 36 manat qiymət təklif ediləcək.
