Azərbaycanın Qarabağ bölgəsində antiterror əməliyyatı zamanı həlak olan hərbi qulluqçuların kredit borcları silinib. Bu barədə qərar bu gün, 6 oktyabr tarixində Azərbaycan Banklar Assosiasiyasının iclasında qəbul edilib.
Həmçinin mərhumların yaxın qohumlarının da kredit borcları silinə bilər.
“Biz təklif edəcəyik ki, lokal antiterror tədbirlərində şəhid olmuş hərbçilərin yaxın qohumlarının da kredit borcu silinsin", – deyə Azərbaycan Banklar Assosiasiyasının sədri Zakir Nuriyev bildirib.
Bundan başqa, antiterror tədbirləri zamanı xəsarət almış hərbi qulluqçuların kreditləri üzrə sentyabrın 19-dan ilin sonunadək hesablanmış faizlərin bankların hesabına silinməsi təklif ediləcək.
Nuriyev onu da qeyd edib ki, daha öncə Vətən müharibəsində şəhid olmuş şəxslərin yaxınlarının kredit borcu YAŞAT Fondu ilə əməkdaşlıq çərçivəsində silinib.
