Azərbaycanda katalizatorların yoxlanılmasına başlanılacaq. Bu haqda bu gün, 1 may tarixində Bakuplus.az Xəzər Xəbər-ə istinadən xəbər verir.
15 may tarixindən etibarən respublika ərazisində ''Təmiz hava'' aylığı çərçivəsində avtomobillərdən atmosferə atılan zərərli maddələrin monitorinqinə başlanılacaq. Məqsəd atmosferin çirklənməsinin qarşısını almaqdır.
“Sürücülərdən istifadələrində olan avtonəqliyyat vasitələrini saz vəziyyətdə istismar etmələrini xahiş edirik. Əks-halda qanunamüvafiq tədbirlər görüləcək”, - deyə BDYPİ-nin inspektoru Elvin Hacıyev qeyd edib.
Sürücülərin sözlərinə görə, ölkəyə idxal olunan nəqliyyat vasitələrinin 50%-dən çoxunda çirkli maddələrin atmosferə atılmasının qarşısını almaq üçün nəzərdə tutulan katalizator yoxdur. Bu hissənin qiyməti isə 2000-3000 AZN təşkil edir.
Yoxlama zamanı normadan artıq tullantı ixrac etdiyi müəyyən edilən avtomobil sahibləri 50 AZN məbləğində cərimə olunacaqlar.
