Yerli vaxtla saat 08:00-da respublika üzrə seçki məntəqələri açılıb və onların işləri saat 19:00-da başa çatacaq.
125 deputat mandatı uğrunda 990 nəfər deputatlığa namizəd mübarizə aparacaq. Ölkə qanunvericiliyinə əsasən, siyahıya daxil edilmiş seçicilərin ən azı 33 faizinin iştirakı zamanı seçki baş tutmuş hesab edilir.
Xatırladaq ki, növbədənkənar parlament seçkiləri ilə əlaqədar 1508 nəfərin deputatlığa namizədliyi irəli sürülüb. Deputatlığa namizədliyi irəli sürülən 1462 nəfərin namizədliyi təsdiqlənib, onlardan 1420 nəfərə imza vərəqi verilib, 1195 nəfər imza vərəqələrini qaytarıb.
