İyulun 1-dən qadınların pensiya yaşı yenidən qaldırılıb. Bu haqda bu gün, 1 iyul tarixində Bakuplus.az Qafqazinfo-ya istinadən xəbər verir.
Bundan öncə pensiya yaşı 63,5 idisə, 1 iyul 2024-cü ildən 30 iyun 2025-ci il tarixinədək kişilər 65, qadınlar isə 64 yaşında pensiyaya çıxa biləcəklər.
Pensiya yaşının artırılması “Əmək pensiyaları haqqında” qanuna 2017-ci ildə edilən dəyişikliklər əsasında baş verir.
Qanunun qərarına əsasən, kişilərin yaş həddi 2017-ci il iyulun 1-dən başlayaraq 2021-ci il iyulun 1-dək, qadınların yaş həddi 2017-ci il iyulun 1-dən başlayaraq 2027-ci il iyulun 1-dək hər il 6 ay artırılır.
2027-ci ildə kişilər və qadınlar üçün pensiya yaşı 65-ə çatdırılaraq eyniləşəcək.
