“LC Waikiki” beynəlxalq kütləvi brendinin internet saytı azərbaycanlı internet istifadəçiləri üçün bloklanıb. Bu haqda bu gün, 20 aprel tarixində Bakuplus.az sosial şəbəkələrə istinadən məlumat verir.
Türkiyədən Azərbaycana yük daşıyan karqo şirkətləri öz səhifələrində VPN tətbiqindən istifadə etməklə sayta daxil olmağın mümkün olduğunu qeyd edirlər.
Sayta girişin məhdudlaşdırılmasının səbəbi məlum deyil.
“LC Waikiki” 47 ölkədə 1047 mağazası olan İstanbul mərkəzli mağazalar şəbəkəsidir. Azərbaycanda brend bazarda Best Brands Group MA tərəfindən təmsil olunur. Brendin ölkədə 21 mağazası var.
