Qaradağ rayonunda sudan qanunsuz istifadə halları aşkarlanıb. Bu haqda bu gün, 28 fevral tarixində Bakuplus.az “Azərsu”ya istinadən xəbər verir.
Müşfiqabad qəsəbəsində fəaliyyət göstərən supermaketin su təchizatı sisteminə baxış keçirilərkən məlum olub ki, obyektin su təchizatı sisteminə qoşulmaq üçün texniki şərti yoxdur və müqavilə bağlanmayıb.
“Qobu Park” yaşayış massivində çoxmənzilli yaşayış binasının zirzəmisində yerləşən “Kabab evi”ndə sudan qanunsuz istifadə halı aşkar edilib.
Lökbatan qəsəbəsi yaxınlığında yerləşən məişət avadanlıqlarının saxlanma anbarında da içməli sudan uçotsuz istifadə olunduğu məlum olub.
Aşkar edilən bütün qeyri-qanuni xətt və birləşmələr kəsilərək ləğv edilib.
2023-cü il ərzində içməli sudan qeyri-qanuni istifadə ilə bağlı Qaradağ rayonu üzrə 159 fakt aşkarlanıb.
