AZAL Ramazan bayramı münasibətilə aviaşirkətin ən populyar istiqamətlərinə aviabiletlərə 25% endirim təqdim edir. Bu barədə bu gün, 21 aprel tarixində Bakuplus.az şirkətə istinadən məlumat verir.
Aprelin 21-dən 24-dək sərnişinlər endirimli aviabiletlər əldə edə bilərlər. Təklif mayın 3-dən mayın 31-dək bir sıra marşrutlar üzrə birtərəfli və ya gediş-dönüş uçuşları üçün etibarlıdır.
AZAL-ın Bakıdan London, Milan, Paris, Vyana, Barselona, Praqa, Moskva, Sankt-Peterburq, Yekaterinburq, Novosibirsk, İstanbul, Antalya, Almatı, Astana, Dubay (J2- 015/016 nömrəli reyslər) reyslərinə 25% endirim tətbiq edilir.
Endirimli biletləri AZAL-ın kassalarından və akkreditə olunmuş agentlərindən, həmçinin aviaşirkətin çağrı mərkəzinə callcenter@azal.az elektron poçtu ilə müraciət etməklə əldə edə bilərsiniz.
