"Azərbaycan Hava Yolları" QSC (AZAL) sentyabr ayından etibarən Bakıdan Səudiyyə Ərəbistanının iki şəhərinə uçuşlara başlayacaq. Bu haqda bu gün, 20 iyul tarixində Bakuplus.az AZAL-a istinadən məlumat verir.
Sentyabrın 15-dən Bakı - Ər-Riyad - Bakı marşrutu üzrə uçuşlar həftədə iki dəfə: çərşənbə və şənbə günləri, Bakıdan Dammama uçuşlar isə bazar ertəsi və cümə günləri yerinə yetiriləcək.
AZAL Səudiyyə Ərəbistanının daha iki şəhərinə - Ciddə və Mədinəyə də uçuşlar həyata keçirir.
Uçuşların tam cədvəli ilə aviaşirkətin rəsmi internet saytında – www.azal.az-da tanış olmaq mümkündür. Uçuşlara aviabiletləri “Azərbaycan Hava Yolları” QSC-nin internet saytından, mobil proqram vasitəsilə və aviaşirkətin akkreditə olunmuş agentliklərindən əldə etmək olar.
