İyunun 20-dən ölkə ərazisində müşahidə olunan əlverişsiz hava şəraiti AZAL-ın Bakı-Naxçıvan reyslərinin cədvəlinə təsir edib. Bu haqda bu gün, 21 iyun tarixində Bakuplus.az AZAL-a istinadən məlumat verir.
Hazırda iki reys gecikir. Belə ki, 51 sərnişin hotelə yerləşdirilib, qalan sərnişinlər evlərinə getmək qərarına gəliblər.
Artıq gecə və səhər Naxçıvana bir neçə reys həyata keçirilib, digər reyslər qrafikə uyğun olaraq həyata keçiriləcək.
“AZAL Naxçıvanda əlverişsiz hava şəraiti səbəbindən uçuşları gecikmiş sərnişinləri bu vəziyyətlə əlaqədar anlayış göstərib səbirli olmağa çağırır”, - məlumatda deyilir.
