Azərbaycan və Türkiyənin milli aviadaşıyıcıları Bakı və İstanbul hava limanlarında daşınma prosesini öz sərnişinləri üçün daha rahat və səmərəli edib. Bu barədə bu gün, 14 iyun tarixində Bakuplus.az AZAL-a istinadən xəbər verir.
AZAL-ın Bakıdan İstanbula və daha sonra Türk Hava Yolları ilə reysləri ilə səyahət edən sərnişinlər bütün marşrut boyu tək minik bileti əldə edə və baqajlarını son təyinat məntəqəsinə qədər rəsmləşdirə bilərlər.
Bu əməkdaşlıq sayəsində bir aviaşirkətdən digərinə keçid daha rahat olacaq və sərnişinləri əlavə rəsmiləşdirmələrdən azad edərək vaxtlarına qənaət ediləcək.
Müqavilə həm Türk Hava Yollarının reyslərini seçən AZAL sərnişinləri üçün öz marşrut şəbəkəsinin müxtəlif nöqtələrindən səyahətlərini davam etdirmək üçün, həm də Bakı vasitəsilə İstanbuldan gələn səyahətçilər üçün maksimum rahatlıq təmin edəcək.
