İri Şəhərlərin Birləşmiş Su Təchizatı Xidməti Ramana qəsəbəsi, Şuşa şəhərciyi sakinlərinin şikayətinə münasibət bildirib.
Qurumdan saytımıza məlumat verilib ki, qeyd olunan ərazidə asfalt qatının bərpası üçün müvafiq işlərə başlanılıb, yaxın günlərdə təmir işləri həyata keçiriləcək.
***
10:36
Ramana qəsəbəsindəki Şuşa şəhərciyinin sakinləri yolların bərbad vəziyyətdə olmasından narazıdırlar.
Bu haqda Bakuplus.az-a məlumat verən sakinlər bildirirlər ki, İri Şəhərlərin Birləşmiş Su Təchizatı Xidməti boruların təmiri ilə bağlı işlər görəndən sonra şəhərciyə gedən yol yararsız hala düşüb.
Sakinlər öz vəsaitləri hesabına müəyyən işlər görüb, yolu az da olsa düzəltməyə çalışıblar. Buna baxmayaraq həmin yol yenə də təhlükəli olaraq qalmaqdadır, buna görə də ikizolaqlı yol faktiki olaraq birzolaqlı yola çevrilib, çünki heç kim təhlükəli yoldan istifadə etmək istəmir.
Qeyd edək ki, Şuşa şəhərciyində əsasən Çernobıl və müharibə əlilləri məskunlaşıb.
Mövzu ilə bağlı İri Şəhərlərin Birləşmiş Su Təchizatı Xidmətinə sorğu ünvanlamışıq. Qurumdan bildirilib ki, məsələ ilə bağlı araşdırma ediləndən sonra məlumat veriləcək. Təəssüf ki, bir neçə gündür “araşdırma edən” qurum mövzu ilə bağlı hələlik açıqlama verməyib.
@bakuplus.az Ramana qəsəbəsindəki Şuşa şəhərciyinin sakinləri yolların bərbad vəziyyətdə olmasından narazıdırlar. Bu haqda Bakuplus.az -a məlumat verən sakinlər bildirirlər ki, İri Şəhərlərin Birləşmiş Su Təchizatı Xidməti boruların təmiri ilə bağlı işlər görəndən sonra şəhərciyə gedən yol yararsız hala düşüb. Sakinlər öz vəsaitləri hesabına müəyyən işlər görüb, yolu az da olsa düzəltməyə çalışıblar. Buna baxmayaraq həmin yol yenə də təhlükəli olaraq qalmaqdadır, buna görə də ikizolaqlı yol faktiki olaraq birzolaqlı yola çevrilib, çünki heç kim təhlükəli yoldan istifadə etmək istəmir. Qeyd edək ki, Şuşa şəhərciyində əsasən Çernobıl və müharibə əlilləri məskunlaşıb. Mövzu ilə bağlı İri Şəhərlərin Birləşmiş Su Təchizatı Xidmətinə sorğu ünvanlamışıq. Qurumdan bildirilib ki, məsələ ilə bağlı araşdırma ediləndən sonra məlumat veriləcək. Təəssüf ki, bir neçə gündür “araşdırma edən” qurum mövzu ilə bağlı hələlik açıqlama verməyib. #azersu #ramana #şuşa ♬ News, news, seriousness, tension(1077866) - Lyrebirds music
