Xətai rayonunda Baş Prokuror Kamran Əliyev vətəndaşlarla görüş keçirəcək. Bu haqda bu gün, 15 avqust tarixində Bakuplus.az Azərtac-a istinadən xəbər verir.
Görüş avqustun 20-si saat 10:00-da Xətai Rayon Prokurorluğunun inzibati binasında baş tutacaq. Qəbulda sakinlər rayonun prokurorluq orqanlarının fəaliyyətinə aid məsələlərlə bağlı konkret müraciət və şikayətlərini bildirə bilərlər.
Vətəndaşlar qəbulla bağlı Xətai Rayon Prokurorluğuna yazılı və ya şifahi müraciət etməklə yanaşı, Baş Prokurorluğun Sənədlərlə və müraciətlərlə işin təşkili idarəsinin (012) 361-14-07 nömrəli və Bakı Şəhər Prokurorluğunun (012) 361-02-44 nömrəli telefonları, contact@prosecutor.gov.az elektron poçt ünvanı vasitəsilə də qəbula yazıla bilərlər.
