Baş prokuror Kamran Əliyev avqustun 23-də Səbail rayon prokurorluğunda Bakı şəhəri və digər bölgələrdən vətəndaşları qəbul edib.
Bu barədə Bakuplus.az-a Baş Prokurorluğun Mətbuat xidmətindən məlumat verilib.
Qəbulda iştirak edən 49 nəfərin müraciətləri cinayət işlərinin istintaqı, törədilmiş cinayətlər barədə məlumatların araşdırılması və məhkəmədəki dövlət ittihamı məsələlərini əhatə edib. Müraciətlərin operativ həlli üçün müvafiq göstərişlər verilib.
Qəbuldan sonra Kamran Əliyev prokurorluq əməkdaşlarına obyektiv baxış və düzgün təşkilatla bağlı tapşırıqlar verib. Eyni zamanda, “Elektron prokurorluq” informasiya sisteminin fəaliyyəti ilə tanış olub və işin təkmilləşdirilməsi üçün təkliflər dinləyib.
[caption id="attachment_147433" align="alignnone" width="640"]
Foto Baş Prokurorluq[/caption]
