“Babək” tankerinin təmiri uğurla başa çatıb. Bu haqda bu gün, 2 may tarixində Bakuplus.az Azərbaycan Xəzər Dəniz Gəmiçiliyinə istinadən xəbər verir.
“Zığ” Gəmi Təmiri və Tikintisi Zavodunda aparılan təmir-bərpa işləri çərçivəsində tankerin baş və köməkçi mühərrikləri və avar valı sazlanıb, bəzi elektrik avadanlıqları yeniləri ilə əvəzlənib, həmçinin gəminin heyətinə məxsus yaşayış otaqları yenilənib.
Təmirdən sonra tanker dəniz sınaq yoxlanışından uğurla keçib və yenidən istismara qaytarılıb.
“Babək” tankerinin uzunluğu 149.9, eni 17.3 metr, yükgötürmə qabiliyyəti isə 13.000 tondur.
