Badamdar sürüşmə sahəsində bərkitmə işləri aparılır. Bu haqda 12 oktyabr tarixində Xəzərxəbər məlumat verib.
Belə ki, ərazidə qrunt sularının təsiri nəticəsində dəfələrlə torpaq sürüşməsi baş verib. Hazırda sürüşməyə qarşı bərkitmə tədbiri həyata keçirilir. Təmir nəticəsində yolun hərəkət sahəsi xeyli məhdudlaşdırılıb. Ərazidə çalışan işçilər bildirirlər ki, əslində yolun tamamilə bağlanması oktyabr ayının 1-dən nəzərdə tutulsa da, hələ ki sadəcə hərəkət məhdudlaşdırılıb. Təmir işlərinə bir ay yarımdır başlandığı deyilir.
Səbail rayonu, Badamdar qəsəbəsi "20-ci sahə" sürüşmə ərazisində Yaponiyanın "Şinyei Kaişa" şirkəti və yerli mütəxəssislərin layihəsi əsasında yamaca daxil olan yeraltı suların kənarlaşdırılması və bərkitmə işləri aparılır. Yamacın yuxarı hissəsində drenajlar qazılıb. Quyulara yığılan suyun ümumi kanalizasiya xəttinə ötürülməsi üçün yeraltı boru xəttinin çəkilişi başa çatdırılıb.
Bərkitmə işləri prosesində yamacda 3 hissədən ibarət istinad divarlarının və bu sahədə yeraltı suların kənarlaşdırılması üçün uzunluğu 78 metr olan qalereyanın tikintisi nəzərdə tutulub. Tikinti işlərinin hava şəraitindən asılı olaraq, ilin sonuna kimi başa çatdırılması planlaşdırılıb.
[caption id="attachment_74367" align="alignnone" width="640"]
Foto XəzərXəbər rəsmi Youtube kanalı[/caption]
