Səbail rayonunda saxta içki istehsal edən müəssisə aşkarlanıb. Bu haqda bu gün, 13 oktyabr tarixində Bakuplus.az Qida Təhlükəsizliyi Agentliyinə istinadən xəbər verir.
Rayonun Badamdar qəsəbəsi, 139 ünvanında yerləşən müəssisədə araşdırma aparılan zaman saxtalaşdırılma əlamətləri olan 6 ədəd 1 litrlik və 11 ədəd 0,7 litrlik “Nemiroff Vodka”, 2 ədəd 1 litrlik, 1 ədəd 0,7 litrlik və 4 ədəd 0,5 litrlik “Olmeca Tequila Blanco”, 1 ədəd 0,7 litrlik “Olmeca Gold Tequila”, 1 ədəd 1 litrlik “Sierra Tequila”, 2 ədəd 1 litrlik və 2 ədəd 0,7 litrlik “Jagermeister” əmtəə nişanlı alkoqollu içkilər aşkar edilib.
Belə ki, içkilərin başlıq hissələrinin kustar üsulla bərkidildiyi və orijinaldan kəskin fəqləndiyi, eləcə də müvafiq sənədlərin olmadığı məlum olub.
Sadalanan nöqsanlarla bağlı müəssisənin fəaliyyəti dayandırılıb, sahibkar məsuliyyətə cəlb olunub.
