Bakı Ağır Cinayətlər Məhkəməsində narkotik vasitələrin qanunsuz dövriyyəsində təqsirləndirilən dünya və Avropa çempionu Fikrət Rəhimovun və Qəşəm Quliyevin cinayət işi üzrə məhkəmə prosesi baş tutub. Bu haqda 15 noyabr tarixində Trend xəbər verib.
Trend-ə istinadən məhkəmə zamanı prokuror Fikrət Rəhimova 7 il 6 ay müddətinə azadlıqdan məhrum edilməsini istəyib. Təqsirləndirilən şəxsin vəkili müdafiə çıxışı üçün məhkəmədən vaxt istəyib və növbəti proses noyabrın 18-nə təyin edilib.
Qeyd edək ki, Rəhimov 6.758 qram narkotik maddə olan metamfetamin (patı) ilə saxlanılmışdır.
Report-a istinadən Bakı Ağır Cinayət Məhkəməsinin qərarına əsasən, Qəşəm Quliyev ciddi rejimli cəzaçəkmə müəssisəsində çəkməklə, 8 il müddətinə azadlıqdan məhrum edilib.
Qeyd edək ki, bir neçə dəfə məhkumluq həyatı yaşayan Quliyev 2019-cu ildə narkotik satarkən 230 qram marixuana ilə saxlanılmışdır.
