Dənizkənarı Milli Parkda martın 24-də intihar edən şəxsin müəllim olduğu üzə çıxıb. Bu haqda bu gün, 27 mart tarixində Qafqazinfo məlumat verib.
Estakadadan özünü dənizə atan 50 yaşlı Lənkəran sakini Rasim Rəhimov coğrafiya müəllimi vəzifəsində çalışıb. O, uzun müddət Lənkəranda dərs deyib, daha sonra Bakıya köçərək burada hazırlıq kursunda çalışıb.
İlkin araşdırmalara görə, Rəhimov ailədaxili problemlərə görə həyatına son qoyub. Hadisə ilə bağlı araşdırmalar davam edir.
