Ötən gün Bakı Dövlət Sirkinin yaxınlığında atışma iki kriminal klanın arasında yaranan münaqişənin nəticiəsidir. Bu haqda bu gün, 11 mart tarixində AZfront Telegram kanalı məlumat verib.
Həmin silahlı hücum kriminal başçı Nicad Lənkəranskiyə (“Brilyant Nicat”) sui-qəsd cəhdi idi. Hadisəni törədənlər digər kriminal avtoritetin - Fransada həbsdə olan Emin Naxçıvanskinin dəstəsinin üzvləri olublar.
Ötən ilin payızında İstanbulda Nicat Lənkəranskinin adamları Emin Naxçıvanskinin qardaşı Elnur Qasımovu (“Qardaşoğlu”) qətlə yetiriblər. Beləliklə, dünənki sui-qəsd sonuncunun qardaşının qisasını almaq cəhdidir.
Atışma nəticəsində 3 nəfər yaralanıb, üç nəfər isə şübhəli bilinən şəxs qismində saxlanılıb.
