Paytaxt ərazisində tələbə yoldaşını bıçaqlayan yeniyetməyə hökm oxunub. Bu haqda bu gün, 18 may tarixində Bakuplus.az Qafqazinfo-ya istinadən xəbər verir.
Bakı Ağır Cinayətlər Məhkəməsinin hökmünə əsasən, 16 yaşlı Namiq Quliyev (ad-soyad şərtidir) 7 il 6 ay müddətinə azadlıqdan məhrum edilib. O, cəzasını ümumi rejimli tərbiyə müəssisəsində çəkəcək.
Emal Sənayesi üzrə Bakı Peşə Təhsil Mərkəzinin 1-ci kurs tələbəsi Namiq Quliyev dərs zamanı çəkməsi üçün elektron qəlyanı qrup yoldaşı Bağır Məmmədova (ad-soyad şərtidir) verib. B. Məmmədov dərsdən sonra qəlyanı qaytarmadığına görə onların arasında mübahisə yaranıb. Nəticəcədə N.Quliyev sonuncuya üç bıçaq zərbəsi vurub.
Bağır Məmmədov məhkəmədə qrup yoldaşını bağışlamayıb, ona cəza verilməsini xahiş edib. “Elektron qəlyanı sahibinə niyə qaytarmadın?” sualına isə “yadımdan çıxdı” cavabını verib.
