Bakıda suda boğulma ilə bağlı müraciətlərin sayı açıqlanıb. Bu haqda bu gün, 17 avqust tarixində Bakuplus.az TƏBİB-yə istinadən xəbər verir.
3 iyun - 13 avqust tarixləri arasında paytaxt ərazisi üzrə Təcili Tibbi Yardım şöbəsinə 47 müraciət daxil olub. Onlardan 9-na yerində tibbi yardım göstərilib, 19 nəfər hospitalizasiya olunub, 19 nəfər isə yardım gələnə qədər vəfat edib.
Bildirilir ki, suda boğulmanın ilk dəqiqələrində zərərçəkənlərin 90%-ni, 6-7 dəqiqədən sonra isə yalnız 1-3%-ni xilas etmək mümkündür.
