Bakıda qətli sifariş edən qadın tutulub. Bu haqda bu gün, 24 mart tarixində Bakuplus.az APA-ya istinadən xəbər verir.
Ərini sifarişlə öldürtdürməkdə ittiham olunan Əzizə Seyidova və qətli törədən Mehdi Məmmədov, Bəxtiyar Fərzəliyev, Elnur Əliyev məhkəmə qarşısına çıxıblar.
Məhkəmənin qərarı ilə yekun hökm çıxana qədər həmin şəxslər 4 ay müddətinə azadlıqdan məhrum ediliblər.
16 mart saat 00:05 radələrində 30 yaşlı Əli Seyidli yaşadığı evin qarşısında öldürülüb. Aparılan araşdırma zamanı şübhələr yaranıb ki, qətli mərhumun arvadı, 23 yaşlı Əzizə Seyidova sifariş edib. 42 yaşlı Mehdi Məmmədov, 35 yaşlı Elnur Əliyev və 28 yaşlı Bəxtiyar Fərzəliyev isə sifariş əsasında qətli törədənlər olublar.
Həmin şəxslər barəsində cinayət işinə başlanılıb.
